Niyaz an téélé la tinn Barldon Souryinn sanm Banyanmoun. Térla, anndan, déor, zot lé partou : alonzé,
asiz, an dobout gèt i brat anou èk zot ponyé in zyé i pran pi la limir, èk zot né an sirandane linivér.
Lo van i avane la vwal ,i kit Déor poz son balo Laba avan rantré : 
In bando tibétin pandiyé si la kord
Son bouké lavann èk kokliko, si la tab
Son désin zarab isé èk vativyin lo pyé dovan padport…
Pourtan, na konmkidiré in zafér i mank
li lé partou, an poundyak zafér la i mank
li sot dann kinélou out zyé, li agrip èk ranpar out zyé, aprésa, li zwé kanèt partou ousa out zyé la bité :
dan la mark si la po fèy vyévyé aou, zinnzinn aou
dan sanpyé zonnoranz i anbrèz azot avan pik azot èk vénin son limir
dann tortiyé la doulér in vwadfami zakaranda, la po kri tir toulézour tipé tipé
son gèl gran rouvér, son simagri d&#39 ;lèv an bwa , po touf èk in ponyé dkér la rès pri dann gozyé
dann fèy syandan sèk la amas son bor tro koupant po giny bwar ti dégou la rozé
la désanz son linz tro vér, tro tann po giny sobat dobout si lo pyé
dann tout ti zik fèy, i anfini pi kas zot kolé
dann grodwa la tér sou mon zodpyé, nout pétir an digdigé
dann brodaz lo zour flérdros dési lo kap, dési galé
Sirtou, wi, sirtou, dann manyér lo banyanmoun, i drès zot bwadkor, zot tounisité maymayé
sanm po mwin, mwin fini vi in rèv parèy koté péron
dési la mars in léskalyé béton
posa, té bézwin artonm kamarad èk lo fouzér ni zwazo i gardyin padport
lo rèv lé la minm. ester li arsanm in ti dégou vérboutèy, la koul dann béton
in béton i saroy èk son grodwa gravyé, l'Atérlaba par ti bout kaskasé
fourmi dfé kan la bwar rèv la ,fine sou bé i kour minm!
moustik kan la bwar rèv la, fine sou bé i dans minm!
gèt byin t'a war !
na tout dann rèv la
nana lo syèl
nana la tér
nana dofé
na amwin
nana tout sak ou wa déor
na balotman lo van, épi dann son bér, tout Laba ankilosé, angidanngé
nana tout,
ziska tout ti zik souvnans lo pa pasant, la rèy bonbé lo rèv, i diré pa, san fétéspré
épisa, zis par annsou, néna, arkokiyé, lo ti ginegine mank
désou mon dwa po karès ali, li sot pi partou ousa kanèt la bité
li rod minm pi po kasyèt, li rod minm pi po alé
li lé la, san débouz in grin, li lé byin,
li la plonz rasine son lodér paranndan mon zyé
i wa li bonpé myé par anndan
li koul, li dans an domyèl dann vinn épé lo parké
li koul, li dans an batanlam kouran loto rout tamarin
li koul, li dans dési la vit an transparans i kit Déor biny an gran dann limir Bondyé
san gonm partou tout lo inzyé i giny pi dor dan la limir
li koul, li dans dann mon zyé, dann mon dwa,
dann lo syèl la ni sal vért, i koul , i dans
Niyaz an téélé la ralim Barldon Souryinn sanm Banyanmoun

Promenade au cœur

Les nuages ont éteint le théâtre d’ombres des Vénérables. Ici, Dedans, Dehors, ils sont partout :
allongés ou en surplomb, ils nous enveloppent de leurs regards de cyclopes aveugles, de tous leurs nœuds de mystère.
Le vent fait gonfler les voilures et laisse Dehors poser ses lambeaux d’Ailleurs à l’entrée :
Un bandeau tibétain accroché à un fil,
Des bouquets de lavande et de coquelicots posés sur la table
Des motifs arabes, usés par les allers-retours, sur le seuil.
Il manque pourtant quelque chose… Il est partout en abondance ce manque.
Il vous saute aux yeux, s’agrippe à l’enravinement de vos pupilles, et puis se pose partout où se pose les yeux :
Dans les vergetures trop marquées des feuilles jeunes ou vieilles
Dans l’arc-en-ciel de jaunes qui les auréolent avant d’être transpercées de lumière.
Dans la torsion insupportable de la graine de jacaranda, qui meurt depuis des jours la gueule ouverte, une grimace sur ses lèvres de bois devenues grises, des centaines de cœurs voilés coincés au fond de la gorge.
Dans l’herbe, qui a recroquevillé ses bords trop coupants pour la rosée  ; qui a vieilli son vert, trop tendre pour pouvoir se défendre.
Dans la courbure exaspérément molle des nuques foliées
Dans la rudesse de la terre sous mes talons qui partagent avec elle l’éprouvé des pétures
Dans la dentelle fanée des fleurs de roche
Mais surtout, oui, surtout, dans la façon qu’ont les Vénérables de brandir l’enchevêtrement de leurs corps dénudés.
J’ai pourtant l’impression d’avoir aperçu un rêve qui lui ressemble sur les marches de l’escalier. Il avait fallu que j’apprivoise la fougère nid d’oiseau qui garde le seuil.
Le rêve est bien là. Il a pris la forme d’une goutte de verre, coincée dans le béton rugueux qui charrie à chaque marche, le sol en morceaux de l’Ailleurs.
Le rêve rend ivre la course des fourmis de feu solitaires
Le rêve rend ivre le ballet des moustiques tigres
Il y a tout à l’intérieur du rêve
Il y a le ciel
Il y a la terre
Il y a le feu
Il y a moi
Il y a tout ce qu’il y a Dehors
Il y a le mouvement du vent, et prisonnières, les cloches de l’Ailleurs
Il y a tout, même la mémoire des pas passants dans ces rayures imperceptibles à la surface du rêve…
Et juste en dessous, il y a, blotti, le manque : sous mes doigts qui le caresse, il ne saute plus aux yeux. Il ne cherche même pas à disparaître, ni à apparaître. Il est là paisible, alangui sous mes doigts, plongeant ses racines dans mes yeux…
On le voit beaucoup mieux de l’intérieur :
Il coule dans les veines épaisses et dorées du parquet de danse
Il coule dans le ressac sourd du flot des voitures
Il coule dans la transparence des vitres qui laissent Dehors se baigner de lumière sans trop éclabousser les regards de cyclopes aveugles.
Il coule… dans mes yeux, dans mes doigts… dans le ciel devenu parquet de danse,
Les nuages ont rallumé le théâtre d’ombres des Vénérables…

Florans Féliks, 2023