9- ZERM LO ZYE, BOUTIR LAMOUR

Zès : plant lo grin lo zyé, la min dan la tér
Geste : planter la graine œil, les mains dans la terre

Si papa monmon té i wa amwin la, mon 2 pat atér, zyé dann zyé, lo pyé èk lo kér si la min, lo pyédkér dan in grin lo zyé
Mounwar, kosa noré pa di !?!!
Amwin m’i di nou mazine pa tout sak i anrasine dan nout zyé kan l’i lé dan la tér, avan i giny in pyé , avan i done an karo.
Ousa nout zyé i lé, nout Tout ansanm i lé.
Ousa nout zyé i pous tout i pous.
Ousa nout zyé i pran, tout i pran
Ousa nout zyé i done, tout i done

Si ma mère et mon père me voyaient là, mes pieds dans la terre, les yeux dans les yeux, les pieds et le cœur dans les mains, la souche du cœur, dans le germe de l’oeil.

Matéryèl :
La tér, fin, brok dolo
Koton po fé la mès, morso la twal
Lwil dann bértèl, grin bankoul

Matériel :
La terre tamisée, un récipient d’eau, des fleurs de coton, de l’huile, une graine de bancoulier,

M’i ariv ziska lo kér kazkabar
M’i fé lo pin la tér
M’i sépar an 5 boul
M’i mèt lo grin zorèy kaf anndan, m’i zanponn ali èk lo twal
M’i arfé lo pin la tér
M’i fé in lanp
M’i mèt lwil, m’i mèt la mès koton
M’i alim la mès

j’arrive au coeur de Kazkabar,
je façonne un pain de terre, je le sépare en 5 petits pains
je glisse la graine d’oreille cafre à l’intérieur
je façonne un nouveau pain de terre, je modèle une lampe
J’y mets de l’huile et une mèche de coton
j’allume la lampe

Danyèl i sant
Danyèl chante
Sanson Karinm, dans Florans, mizik Bino bob
Chanson Karinm de D. Waro, danse Florans, musique (bob) Bino Waro

Florans i sant
Florans chante

Florans Féliks, 2026

Karinm fanm

po domoun i kri sorsyèz Fanmté la
i rèt tousèl èk Bondyé, kosa z’a pér banna
po sak i touf in Sakti1 dan zot dra
i di Bondyé i mars pa touni, épi, na pwin tété baya

m’i d’azot mon Graal bandèz an kado
mon Fanmté katakrèz an fanmté kim dolo
n’a war Madlinn i lèv, i dobout si kouto
« noli me tangere » la Vyèrz, nonva, mwin m’i dans èk Li dovan tonbo

Paydofér la fine tro sal forstan lav tout bouyon
Pounouk na la plim, na zétwal kinm i fé pa mirak èk tout pwason
arèt fé zot Jonas , zot grokér, zot kapon7
kosa in soz, san vwal la fas :
« li rèt pir riyink si out kér i fé lo gon »

M’a pa pran zot sasérdos bra an krwa
bénédiksyon la i filos dovan mon grin ilou la fwa
i antan pa sonn la klos kan mwin m’i fé koumbla
kan mon Fanmté i lèv dofé sof, sof, sof kélér, sof ousa.

si la Vi la giny arbérs, arsony dann son bra
tout lo larm mwin té fine vérs po zanfan i tyé san gonm lo dwa
i vé dir Fanmté la, kan li rouvér nout bardzour dé batan
in lam lamour i anval la mér, konm Karli n’i giny bwar tout mar lo san

wa pa li konman pitinnri fanmté la
dovan son kapor son tanginn11 zot kapitinnri i fé pa lo pwa
kontinyé zwé loukasyèt zandarm volér la lwa
fine ariv lér po kas karinm, dann parlkouli gran Fanmté la

alor d’anou tout nout rèv Lamour an kado
si zénou Bondyé fo nou lé a dé po zwé pamine po kas koko
pa bézwin nout zèl i pous, po fé lo ni lao
pandiyé si tété Bondyé
son lardér i pwak arpa nou tro

Florans Féliks, 2017