Lo métrononm in tourtrèl…
Na touzour in santé tourtrèl par la, po donn lo kadans…
Po li mèt dann balotman son bér mon tatanndan po giny kapkap
Po li mèt dann kadansman son bér tout ti santé la pérd la bann
In kriyé an voulvoul, fralfral
Konmsik in « bèlbèl o plin », in bonbé lo son la énèt dann zorèy, la ni an zwazo
tourtrèl
Son blé sandré parèy
Son ti vant ron parèy
Son ti tèt an toupi parèy
In ti grinn sèl désou son ké
Lé fasil soman glis out anndan dan in bonbé line o plin an zwazo
Lé sitantèlman dou, lé sitantèlman so
Na la plas, podvré, anndan.
La plas bèl konm in syèl plin zwazo,
mé ousa santé zwazo noré pwin
Sa i aprivwaz sa,in bonbé line o plin an zwazo
Sirtou, bouz pa,
Kit aou désanzé, tir out po, pran out tan, konm niyaz
po sanz koulér, sanz form, sanz lodér
i kony dann mon bwadkor, dann mon zo
i ardésine tout dann mon tréfon :
In bèlplin i ranpli san débouzé ziska lo bor, èk la zwa dann kré
Tidousman ziskatan i kri Silans
Dirèk, mé pa toutswit
In lévidans, mé pa toutswit
Ali minm po anpar sak i Lé, ali minm po anpar sak i Di :
« Aou, amwin, dobout dopi promyé débi.
Sak na po di, sak na po ékri, i alonz pa zamé : kinm si papyé, kinm si sézi ! »
Akout sak mwin na po di !
Akoz sa minm, lé dir po mwin di, dir po mwin ékri… kinm pa toutswit

Tourterelle péi

Le métronome de la tourterelle…
Il y a toujours quelque part une tourterelle,
qui apaise, par sa tendre régularité, par la finesse de sa précision, ma temporalité frileuse ; et puis aussi les notes aléatoires alentour
Volume sonore qui finit par tout avoir de l’oiseau et de la tourterelle : 
Son gris bleuté
L’arrondi de son ventre
La mobilité douce de sa tête
L’équilibre de sa queue
C’est facile de déposer son intériorité dans un volume d’oiseau.
C’est doux, c’est chaud… C’est beaucoup plus vaste en vrai.
Il y a de la place pour tout. Comme un ciel rempli d’oiseaux, mais qui se seraient tus.
Ça s’apprivoise en vrai, un volume d’oiseau. Mais de l’intérieur.
Surtout, ne pas bouger, et, comme les nuages changer imperceptiblement,
perceptiblement, de consistance, de couleurs, de forme, d’odeur.
…
Un volume stable, une lente évolution, presqu’enjouée
… Jusqu’au Silence !
Instantané… mais juste après
Radical… mais juste après
Évident… mais juste après
Dans l’accueil de ce qui est
De… ce qui Est dit :
« C’est là debout depuis toujours…
les mots ne se couchent pas, et sûrement pas sur du papier ! »
Alors c’est difficile d’écrire, comme toujours, même juste après.

Florans Féliks, 2025